Яңалыклар

Парламентның бүгенге утырышында депутатлар Бюджет, салымнар һәм финанслар комитетының хисап мәгълүматын тыңладылар, аны комитет җитәкчесе Леонид Якунин тәкъдим итте. Дәүләт Советы хисапны игътибарга алды.

Бүген Дәүләт Советы утырышында дәүләт милкен хосусыйлаштыру турында республика законына үзгәрешләр кертү турында закон проекты беренче укылышта һәм тулаем кабул ителде.

«Муниципаль хезмәт турында Татарстан Республикасы кодексының  341 статьясына үзгәреш кертү хакында» ТР законы проекты бүген Дәүләт Советы утырышында беренче укылышта һәм тулаем кабул ителде. Документ муниципаль хезмәт турында ТР кодексын федераль законнардагы үзгәрешләргә туры китерүгә юнәлдерелгән.

Халыкны һәм территорияләрне гадәттән тыш хәлләрдән яклау турында Татарстан Республикасы Законының 4 һәм 21 статьяларына үзгәрешләр кертү турындагы закон проекты бүген Дәүләт Советы утырышында беренче укылышта һәм тулаем кабул ителде.

Махсус хәрби операциядә катнашучылар һәм аларның гаилә әгъзалары, салым бурычлары булуга карамастан, социаль ярдәм чаралары алачак. Бүген Дәүләт Советы утырышында шундый карар кабул ителде. Махсус хәрби операциядә катнашучы затларга һәм аларның гаилә әгъзаларына социаль ярдәм өлкәсендә мөнәсәбәтләрне хокукый көйләү үзенчәлекләре турындагы закон проекты депутатлар тарафыннан беренче укылышта һәм тулаем кабул ителде.

Бүген Дәүләт Советы утырышында Татарстан Республикасы Министрлар Кабинетының 2023 елдагы эшчәнлеге нәтиҗәләре турында хисап каралды. Әлеге мәсьәлә буенча төп доклад белән республика Премьер-министры Алексей Песошин чыгыш ясады.

Дәүләт Советы депутаты Андрей Егоров Торак сәясәте һәм инфраструктура үсеше комитеты рәисе вазыйфасына сайланды. Бүген Дәүләт Советы утырышында шундый карар кабул ителде.

Бүген Дәүләт Советы утырышында Дәүләт Советы депутаты, Экология, табигатьтән файдалану, агросәнәгать һәм азык-төлек сәясәте комитеты әгъзасы Рәис Сөләймановның вәкаләтләрен вакытыннан алда туктату турында карар кабул ителде. Элегрәк ул депутат вәкаләтләрен вакытыннан алда туктату турында гариза биргән иде.

Дәүләт Советының илле өченче утырышында җәмәгать судьяларын сайлау мәсьәләсе каралды. Җәмәгать судьялары итеп сайлануга кандидатларны ТР Югары Суды Рәисе вазыйфаларын башкаручы Эдуард Каминский тәкъдим итте.

Бүген сәгать унда алтынчы чакырылыш Татарстан Республикасы Дәүләт Советының илле өченче утырышы ачылды. Утырышның көн тәртибенә, парламент Президиумы карары нигезендә, 16 мәсьәлә кертелгән, шул исәптән биш республика законы һәм алты федераль закон проекты.